دقيقة ثقافة: الفوضى الخلاقة
الفوضى ممكن تكون خلاقة او بناءة ؟؟
طبعا ممكن !! بالفيزياء اذا تعرضت الذرة لضربة بصير فيها فوضى ولكن الفوضى بعد فترة بترجع تتشكل وتخلق اشي جديد !!
هاد تحديدا اللي فكروا فيه الامريكان من سنة 1902 م وكان المؤرخ ماهان هو البداية ..
ومن سنين كثير والعالم لسه بفكر بالمصطلح , لغاية ما اجت وزيرة الخارجية الامريكية السابقة كونداليزا رايس وتبنت هالمفهوم وحطت اطار عام للفكرة وكنا احنا حقل التجارب يا عزيزي ..
سنة 2005 اوضحت كونداليزا لصحيفة واشنطن بوست كيفية انتقال الدول العربية من الدكتاتورية الى الديمقراطية واعلنت انهم رح ينشروا فوضى في الشرق الاوسط في سبيل تحقيق الديمقراطية ( او مصالحهم الله اعلم )
وعشان هاد الكلام يتحقق لازم عنف و دم و رعب وبعديها المجتمع برجع بشكل نفسه بهوية جديدة ..
هاد الفلم بلش سنة 2011 م ونجح كتير في ليبيا والعراق واليمن وغيرهم .. والله يستر من اللي جاي !!
دقيقة ثقافة: هي فكرة هدفها نقل معلومة بدقيقة قراءة واحدة من خلال تبسيطها واختصارها وسردها بلغة سهلة.
